ਅਧਿਆਇ 1: ਸਿਹਤ – ਪ੍ਰਸ਼ਨ ਉੱਤਰ (ਛੋਟੇ ਪ੍ਰਸ਼ਨ)

ਅਧਿਆਇ 1: ਸਿਹਤ – ਪ੍ਰਸ਼ਨ ਉੱਤਰ

(ੳ) ਬਹੁ-ਵਿਕਲਪੀ ਪ੍ਰਸ਼ਨ (MCQs)

1. ਵਿਸ਼ਵ ਸਿਹਤ ਸੰਗਠਨ (WHO) ਅਨੁਸਾਰ ਸਿਹਤ ਦਾ ਕੀ ਅਰਥ ਹੈ?
   A. ਕੇਵਲ ਨਿਰੋਗ ਸਰੀਰ
   B. ਸਰੀਰਿਕ, ਮਾਨਸਿਕ ਅਤੇ ਸਮਾਜਿਕ ਪੱਖੋਂ ਤੰਦਰੁਸਤ ਹੋਣਾ
   C. ਕੇਵਲ ਚੰਗੀ ਖੁਰਾਕ ਖਾਣਾ
   D. ਕੇਵਲ ਕਸਰਤ ਕਰਨਾ
2. ਸਿਹਤ ਦੀਆਂ ਮੁੱਖ ਤੌਰ ‘ਤੇ ਕਿੰਨੀਆਂ ਕਿਸਮਾਂ ਮੰਨੀਆਂ ਗਈਆਂ ਹਨ?
   A. ਦੋ
   B. ਤਿੰਨ
   C. ਚਾਰ
   D. ਛੇ
3. ਸਰੀਰ ਦਾ ਤਾਪਮਾਨ ਠੀਕ ਰੱਖਣ ਵਿੱਚ ਕੌਣ ਸਹਾਈ ਹੁੰਦੀ ਹੈ?
   A. ਚਮੜੀ
   B. ਵਾਲ਼
   C. ਨੰਹੂ
   D. ਮਾਸਪੇਸ਼ੀਆਂ
4. ਅੱਖਾਂ ਨੂੰ ਰੋਜ਼ਾਨਾ ਕਿੰਨੀ ਵਾਰ ਸਾਫ਼ ਪਾਣੀ ਨਾਲ ਧੋਣਾ ਚਾਹੀਦਾ ਹੈ?
   A. ਇੱਕ ਵਾਰ
   B. ਦੋ-ਤਿੰਨ ਵਾਰ
   C. ਪੰਜ ਵਾਰ
   D. ਕਦੇ ਨਹੀਂ
5. ਕਸਰਤ ਜਾਂ ਯੋਗ ਹਮੇਸ਼ਾ ਕਿਸ ਤਰ੍ਹਾਂ ਕਰਨਾ ਚਾਹੀਦਾ ਹੈ?
   A. ਭਰੇ ਪੇਟ
   B. ਖ਼ਾਲੀ ਪੇਟ
   C. ਰਾਤ ਨੂੰ ਸੌਣ ਵੇਲੇ
   D. ਨਹਾਉਣ ਤੋਂ ਤੁਰੰਤ ਬਾਅਦ

(ਅ) ਠੀਕ / ਗ਼ਲਤ

1. ਸਿਹਤ ਦਾ ਸੰਬੰਧ ਕੇਵਲ ਮਨੁੱਖ ਦੇ ਸਰੀਰ ਤੱਕ ਹੀ ਸੀਮਿਤ ਹੈ। (ਗ਼ਲਤ)
2. ਮਾਨਸਿਕ ਤੌਰ ‘ਤੇ ਸਿਹਤਮੰਦ ਵਿਅਕਤੀ ਹਾਲਾਤ ਅਨੁਸਾਰ ਆਪਣੇ-ਆਪ ਨੂੰ ਢਾਲ ਲੈਂਦਾ ਹੈ। (ਠੀਕ)
3. ਸਾਨੂੰ ਕਿਸੇ ਹੋਰ ਦੀ ਕੰਘੀ ਨਹੀਂ ਵਰਤਣੀ ਚਾਹੀਦੀ। (ਠੀਕ)
4. ਨੱਕ ਰਾਹੀਂ ਸਾਹ ਲੈਣਾ ਹਾਨੀਕਾਰਕ ਹੁੰਦਾ ਹੈ। (ਗ਼ਲਤ)
5. ਚਿੜਚਿੜਾ ਸੁਭਾਅ ਸਿਹਤ ‘ਤੇ ਮਾੜਾ ਅਸਰ ਪਾਉਂਦਾ ਹੈ। (ਠੀਕ)

(ੲ) ਖ਼ਾਲੀ ਥਾਂਵਾਂ ਭਰੋ

1. ਮਨੁੱਖ ਇੱਕ ਸਮਾਜਿਕ ਜੀਵ ਹੈ।
2. ਸਿਹਤ ਸੰਭਾਲ ਦੀ ਜਾਣਕਾਰੀ ਦੇਣ ਵਾਲਾ ਗਿਆਨ ਨਿੱਜੀ ਸਿਹਤ ਵਿਗਿਆਨ ਹੈ।
3. ਕੰਨ ਦਾ ਪਰਦਾ ਬਹੁਤ ਨਾਜ਼ੁਕ ਹੁੰਦਾ ਹੈ।
4. ਰਾਤ ਨੂੰ ਸੌਣ ਤੋਂ ਪਹਿਲਾਂ ਦੰਦਾਂ ਦੀ ਸਫ਼ਾਈ ਲਈ ਬੁਰਸ਼ ਜ਼ਰੂਰ ਕਰਨਾ ਚਾਹੀਦਾ ਹੈ।
5. ਹਫ਼ਤੇ ਵਿੱਚ ਇੱਕ-ਦੋ ਵਾਰ ਆਪਣੇ ਨੰਹ ਕੱਟਣੇ ਚਾਹੀਦੇ ਹਨ।

(ਸ) ਛੋਟੇ ਉੱਤਰਾਂ ਵਾਲੇ ਪ੍ਰਸ਼ਨ

1. ਸਿਹਤ ਦੀਆਂ ਚਾਰ ਕਿਸਮਾਂ ਦੇ ਨਾਂ ਲਿਖੋ।
   ਉੱਤਰ: ਸਰੀਰਿਕ ਸਿਹਤ, ਮਾਨਸਿਕ ਸਿਹਤ, ਸਮਾਜਿਕ ਸਿਹਤ ਅਤੇ ਭਾਵਨਾਤਮਿਕ ਸਿਹਤ।
2. ਨਿੱਜੀ ਸਿਹਤ ਵਿਗਿਆਨ ਕਿਸ ਨੂੰ ਕਹਿੰਦੇ ਹਨ?
   ਉੱਤਰ: ਜਿਹੜਾ ਗਿਆਨ ਸਾਨੂੰ ਆਪਣੀ ਸਿਹਤ ਨੂੰ ਸੰਭਾਲਣ ਦੀ ਜਾਣਕਾਰੀ ਦਿੰਦਾ ਹੈ, ਉਸ ਨੂੰ ਨਿੱਜੀ ਸਿਹਤ ਵਿਗਿਆਨ ਆਖਦੇ ਹਨ।
3. ਨੱਕ ਰਾਹੀਂ ਸਾਹ ਲੈਣ ਦੇ ਕੀ ਫਾਇਦੇ ਹਨ?
   ਉੱਤਰ: ਨੱਕ ਰਾਹੀਂ ਸਾਹ ਲੈਣ ਨਾਲ ਹਵਾ ਨੱਕ ਵਿਚਲੇ ਵਾਲ਼ਾਂ ਰਾਹੀਂ ਸ਼ੁੱਧ ਹੋ ਕੇ ਅਤੇ ਸਰੀਰ ਦੇ ਤਾਪਮਾਨ ਅਨੁਸਾਰ ਗਰਮ ਹੋ ਕੇ ਅੰਦਰ ਜਾਂਦੀ ਹੈ।
4. ਵਾਲ਼ਾਂ ਦੀ ਸਫ਼ਾਈ ਕਿਉਂ ਜ਼ਰੂਰੀ ਹੈ?
   ਉੱਤਰ: ਵਾਲ਼ਾਂ ਦੀ ਸਫ਼ਾਈ ਨਾ ਕਰਨ ਨਾਲ ਸਿਰ ਵਿੱਚ ਜੂੰਆਂ ਪੈ ਜਾਂਦੀਆਂ ਹਨ ਅਤੇ ਚਮੜੀ ਦੇ ਰੋਗ ਲੱਗ ਸਕਦੇ ਹਨ।
5. ਭੋਜਨ ਸੰਬੰਧੀ ਦੋ ਚੰਗੀਆਂ ਆਦਤਾਂ ਦੱਸੋ।
   ਉੱਤਰ: 1. ਭੋਜਨ ਹਮੇਸ਼ਾ ਹੱਥ ਧੋ ਕੇ ਖਾਣਾ ਚਾਹੀਦਾ ਹੈ। 2. ਭੋਜਨ ਨੂੰ ਚੰਗੀ ਤਰ੍ਹਾਂ ਚਿੱਥ ਕੇ ਖਾਣਾ ਚਾਹੀਦਾ ਹੈ।